A UE menaza a os EEUU por o caso d’espionache

Indignación en a Unión Europea debant d'as acusacions d'espionache dende Estaus Unius

schulzO president d’o Parlamento Europeu (PE), Martin Schulz, ha exichiu hue a os Estaus Unius que aclareixca si espió a la Unión Europea (UE), como afirma o semanario alemán Der Spiegel, que se remite a documentos de l’excolaborador d’o espionache norteamericano Edward Snowden. “Soi fundament preocupau y sorprendiu”, reconoixió Schulz, en un comunicau, en que aseguró que “si as acusacions resultan estar verdat, sería un afer muit grieu que tendrá un grieu impacto en as relaciones UE-EEUU“.

“En nombre d’o Parlamento Europeu exicho una aclaración completa y mas información de forma rapeda d’as autoridatz norteamericanas respective a istas acusacions”, ha adhibiu.

Seguntes o semanario alemán, l’Achencia Nacional de Seguridat (NSA) d’os Estaus Unius accedió tanto a contenius de conversacions confidencials como correus electronicos y fichero d’os ordinadors d’as representacions d’a UE en Washington.

No se tractó d’ascuitas u espionache a traviés de microfonos en l’edificio, sino d’o suyo ret informatico interno, apunta o semanario, que cita como fuent unas actas calificadas d’extremadament confidencials d’a NSA, correspondients a setiembre de 2010, que facilitó Snowden.

EE.UU. y o Reino Uniu espioron a Medvédev y atros liders mundials en a cumbre d’o G-20

Os servicios secretos d’o Reino Uniu en estreita colaboración con os suyos colegas norteamericanos espioron a os presidents y chefes de Gubierno que asistioron a la cumbre d’o G-20 en 2009, en particular, interceptoron as conversacions telefonicas d’o lider de Rusia, seguntes l’informant americano Edward Snowden. Os espías d’os EEUU operaban dende a base d’a Fuerza Aeria britanica de Menwith Hill, en Yorkshire en o norte, que se considera estar o centro d’espionache electronico mas gran d’o mundo.

Alemanya tilda de ‘estrafalla’ o espionache britanico

Dimpués que se revelase a o mundo que o Reino Uniu, igual que os Estaus Unius, tien programas d’espionache de comunicacions a una escala masiva, o Gubierno d’Alemanya, reaccionó alvertindo que caso que iste escandalo siga confirmau, suposaría una “estrafalla”.

Fuent: http://noticies.sirius.cat/2013/06/la-ue-amenaca-els-eua-pel-cas.html

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.