A UE podría proposar iste chueves a privación de tres pesticidas mortals t’as abellas

Bells pesticidas podrían estar viedaus por a UE debiu a que son mortals t'as abellas

apicultors

Apicultors. Foto: Wikipedia

A UE podría proposar iste chueves a privación de tres pesticidas neonicotinoides t’o cultivo de panizo, colza y chirasol, que son mortals t’as abellas. Os ministros d’Agricultura d’a UE examinoron iste lunes en Bruselas un informe de l’Achencia europea de seguridat alimentaria (EFSA) que qüestiona l’emplego d’istas substancias y iste chueves a Comisión realizará una proposa ta amugar o suyo emplego.

O comisario de Salut y Consumo, Tonio Borg, anunció midas “angluciosas y proporcionadas” pero no s’aspera que iste chueves s’adopten decisions definitivas, soque i habrá un debat y una primera proposa d’acción. A Comisión Europea ye partidaria de prencipiar con una privación “equilibrada” que afecte a aquells cultivos que “mas atrahien a las abellas”, isto ye: o panizo, a colza y o chirasol. A UE analisará os tipos de plantacions mas afectaus y os calendarios de siembra, entre atros factors, ta decidir con os países miembros os trangos a seguir.

Os pesticidas qüestionaus son fabricaus por Bayer y Syngenta, que seguntes denuncian os colectivos ambientalistas son realizando una intensa campanya de presión ta empachar que s’amugue o suyo emplego. Por agora son autorizaus en a Unión Europea, pero ya i hai bells países que no permiten o suyo emplego en determinaus cultivos, como ye o caso d’Alemanya, Italia u Francia. Eslovenia, por a suya parte, cuenta con una privación total.

Son varias as iniciativas en o ret de denuncia y replegada de sinyaturas ta exichir a privación total de diez pesticidas.

Fuent: http://praza.com/movementos-sociais/3455/a-ue-poderia-propor-este-xoves-a-prohibicion-de-tres-pesticidas-mortais-para-as-abellas/

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.