A UE reconoix a coalición opositora siria como “representant lechitima d’as aspiracions d’o pueblo sirio”

A Coalición Nacional d'as Fuerzas Opositoras y d'a Revolución Siria tenió o reconoiximiento oficial de Francia

Protesta contra Bashar al-Assad (Foto: anticapitalistes.net)

Protesta contra Bashar al-Assad (Foto: anticapitalistes.net)

Os ministros d’Afers Foranos d’a Unión Europea han reconoixiu a creyación d’a nueva Coalición Nacional de Fuerzas Opositoras y d’a Revolución Siria como “representant lechitima d’as aspiracions d’o pueblo sirio” y han confirmau que “a UE ye disposada a refirmar a ista coalición“. Se tracta d’un reconoiximiento formal que no leva garra valor a efector legals.

“Iste alcuerdo representa un trango muito gran ent’a unidat que cale d’a oposición siria”, reconoixen os ministros europeus en un texto de conclusions sobre Siria. Os vintisiet no reconoixen encara la coalición como unica representant lechitima d’o pueblo sirio, como si que ha feito Francia. O suyo ministro d’Afers foranos, Laurent Fabius confita que en os venients diyas bi haiga atros estaus europeus que faigan iste trango.

A UE aspera que a nueva coalición funcione d’alcuerdo con os prencipios d’os Dreitos Humans y a democracia y que se i embrequen “todas as collas d’oposición u todas as seccions d’a sociedat civil siria”.

Fuent: http://www.vilaweb.cat/noticia/4056976/20121119/ue-reconeix-coalicio-opositora-sirianes-representant-legitima-aspiracions-poble-siria.html

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.