A UE sacará competencias a o gubierno espanyol y tutelará o Banco d’Espanya

Seguntes o borrador d'as condicions t'o rescate, os bancos intervenius habrán de trancar sucursals y fer fuera treballadors

As condicions que a Comisión Europea imposará a o gubierno espanyol ta acceder a o rescate bancario implicarán unas condicions duras ta l’executivo de Rajoy, que quedará sin competencias sobre o sector financiero. Asinas se desprende d’o borrador d’o memorandum de l’acuerdo, que publican diversos meyos espanyols. O Banco d’Espanya habrá de reforzar a independencia, pero será tutelau por o Banco Central Europeu. Y tendrá a exichencia de ‘reformas estructurals’, como l’anunciau aumento de l’IVA.

O rescate bancario obligará a establir una institución fiscal independient que supervise a politica fiscal espanyola; y tamién obligará a o gubierno espanyol a ‘fer esfuerzos de consolidación’, a aplicar un sistema fiscal que dé soporte a o creiximiento y a aplicar a reforma laboral, seguntes o diario El País.

I habrá unas condicions estrictas t’as entidatz financieras que reciban os diners d’o rescate. ‘T’os bancos no viables que amenistan fondos publicos as autoridatz habrán d’activar plans de resolución’, diz o borrador: isto quiere dicir plans de zarre. En ixe caso, se guaranciará a estabilidat financiera, ye dicir, que se protecherán os depositos bancarios que o fondo de guarancia de depositos cubre.

Entre as atras condicions imposadas ye a privación en os bancos intervenius de que repartan dividendos; os bancos intervenius habrán de zarrar sucursals y fer fuera a treballadors, y o gubierno espanyol habrá de comunicar cada semana os datos d’os depósitos bancarios, d’a liquidez y d’a posición d’a deuda soberana.

30.000 millons

Espanya recibirá un primer pago de 30.000 millons d’euros d’o rescate bancario a zaguers d’iste mes de chulio, seguntes ha anunciau ista maitinada o president de l’Eurogrupo, Jean-Claude Juncker. Os ministros d’a Eurozona han plegau a un ‘alcuerdo politico‘ sobre as condicions d’o rescate que s’habrá d’aprebar formalment en una proxima reunión -prevista t’  20 de chulio- y que amenisterá a ratificación de qualques parlamentos estatals.

Una vegada completau iste proceso, se podrán movilizar os 30.000 millons d’o primer tramo d’aduya financiera como ‘continchencia ta frenar necesidatz urchents d’o sector bancario espanyol’, ha explicau Juncker.

O memorandum de condicions d’o rescate se zarrará y se sinyará o 20 de chulio, pero ahiere s’alcordó que o plazo de devolución será de dica 15 anyos, con una meya de 12,5 anyos, seguntes ha explicau Juncker.

O president de l’Eurogrupo ha dito que a recapitalización directa d’a banca puede estar aplicada retroactivament una vegada s’haiga creyau o supervisor unico europeu. Por agora, os diners se canalizarán a traviés d’o Fondo de Reestructuración Ordenada Bancaria (FROB) y computará como deuda publica.

Un anyo de prorroga por o deficit

L’Eurogrupo tamién ha aprebau dar un anyo de prorroga, dica o 2014, ta correchir o deficit publico excesivo por baixo d’o 3%. T’o 2012, o deficit ha d’estar como maximo d’o 6,3% -en cuenta d’o 5,3% previsto inicialment. O 2013 l’obchectivo será un deficit d’o 4,5% y o 2014, un 2,8%.

Fuent: http://www.vilaweb.cat/noticia/4027257/20120710/ue-traura-competencies-govern-espanyol-tutelara-banc-despanya.html

2 Rispuestas a A UE sacará competencias a o gubierno espanyol y tutelará o Banco d’Espanya

  1. A veyer… os mes viellos.. totz remeratz d’os CHIRIPITIFLAUTICOS? pues he astì a nueva versiòn . O Tio Aquiles de president, LocoMontoro de ministro, Valentina de presidenta d’Aragon y agora o capitan Tan d’Europa ta controlar. Que vergonya

  2. La gen posa como exemplo la lluita minera. Dimpués achoca la cabeça i se queda per casa. Muitas vegadas sólament tenim el que mos mereixem.

Deja un comentario

Tu dirección de correo electrónico no será publicada. Los campos necesarios están marcados *

Connect with Facebook

Puedes usar las siguientes etiquetas y atributos HTML: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.