A Unión Europea creixe con a entrada de Croacia, hue

O país balcanico ya ye dende hue o estau numero 28 d'a Unión Europea

croaciaHue a Republica de Croacia se fa o estau miembro numero 28 d’a Unión Europea. Os ciudadanos croatas apreboron l’adhesión en un referendum o 22 de chinero de 2012. A demanda de Croacia estió feita en 2003 y as negociacions con a UE duroron dende o 2005 dica o 2011. Ista nueit s’ha feito una gran fiesta en Zagreb pa celebrar que, vinte anyos dimpués d’a independencia, Croacia ya ye miembro de pleno dreito d’a Unión.

A fiesta s’ha feito en a plaza de Ban Jelacic do a la medianuet horada s’ha izau a bandera europea mientres sonaban as campanas d’a ciudat y o cielo s’empliba de fuegos artificials. O primer ministro, Zoran Milanovic, ha dito que o país se sentiba emocionau ‘de deixar dezaga un pasau tant dificil‘.

Croacia, con mas de 4 millons d’habitants, ye trestallada en condaus, que incluye 126 ciudatz y 429 municipios. Os condaus (21 en total, bi incluida a ciudat de Zagreb), forman as prencipals subdivisions territorials y estioron introducius en a constitución en 1990.

Fuent: http://www.vilaweb.cat/noticia/4130632/20130701/unio-europea-creix-lentrada-croacia.html

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.