A Unión Europea escomienza lechislatura con un parlamento encara mas compleixo

Se ferá a elección d'o president d'a camara, a constitución d'os grupos y os informes d'a presidencia d'o Consello

Parlamento europeu. Foto: Cédric Puisney (CC-BY-SA)

Parlamento europeu. Foto: Cédric Puisney (CC-BY-SA)

O resultau d’as eleccions d’o 25 de mayo ya deixaba columbrar una lechislatura complicada en a Unión Europea por a fragmentación d’os grupos d’o parlamento europeu y por l’auche d’os euroscepticos y a extrema dreita. A negociación ta configurar os grupos parlamentarios ha confirmau aquell presachio. A sesión constitutiva d’a uitena lechislatura d’o Parlamento Europeu, que se fa maitín, deixará veyer o mapa final d’os grupos.

L’eixe central d’ista sesión será a elección d’o president d’a camara, os catorce vicepresidents y os cinco qüestors, que conforman a mesa d’a institución. Amás, o primer ministro griego, Antonis Samaras, se dirichirá a l’hemiciclo a l’atro’l diya de maitins ta presentar as conclusions d’a presidencia griega d’o Consello Europeu. O mierques de tardes, será o primer ministro italiano, Matteo Renzi, quí presentará as prioridatz d’a presidencia italiana. O chous os eurodiputaus votarán a composición d’as comisions parlamentarias.

Elección d’a presidencia d’a camara

O president d’o parlamento en funcions, l’italiano Gianni Pittella (S&D), presidirá a sesión plenaria dica a elección d’o nuevo president, d’alcuerdo con o reglamento d’a camara. A presidencia d’o parlamento tien una duración de dos anyos y medio. Os candidatos ferán una declaración de cinco minutos antes d’a votación. As candidaturas nomás pueden estar presentadas por un grupo politico u por un minimo de quaranta diputaus. En istos momentos, os candidatos que se i presientan son: Martin Schulz (S&D, Alemanya), Syed Kamall (CRE, Reino Uniu), Pablo Iglesias (GUE-NGL, Espanya) y Ulrike Lunacek (Verdes-ALE, Austria). O plazo t’a presentación de candidaturas se zarra hue a las siet d’a tarde.

Siet grupos y cinquanta y dos diputaus no adscritos

O nuevo parlamento ye formau por 7 grupos politicos y 52 eurodiputaus no adscritos. Fa falta 25 diputaus de 7 estaus miembros, como minimo, ta formar un grupo politico. Os integrants d’un grupo tienen afinidatz politicas, tot y que o parlamento no l’evalúa, ista afinidat. A falta d’a constitución oficial maitín, a distribución de cadieras ye a venient: Partiu Popular Europeu (PPE), 221; Alianza Progresista de Socialistas y Democratas (S&D), 191; Conservadors y Reformistas Europeus (CRE), 70; Alianza d’os Democratas y Liberals por Europa (ALDE), 67; Cucha Unitaria Europea – Cucha Verda Nordica (GUE/NGL), 52; Verdes – Alianza Libre Europea (Verdes-ALE), 50; Europa d’a Libertat y d’a Democracia (EFD), 48; no adscritos, 52.

Fuent: http://www.vilaweb.cat/noticia/4200748/20140630/unio-europea-comenca-legislatura-parlament-encara-complex.html

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.