A Unión Europeya vieda a las operadoras cusirar as descargar d’os internautas

O Tribunal de Luxemburgo considera más important o dreito t'a intimidat que no lo copyright

O Tribunal de Chusticia d’a UE diz que ye ilegal obligar a las operadoras d’internet a cusirar que fa os internauras en o rete ta escusar as descargas ilegals. Considera que filtrar o esnavesar vulnera os dreitos alazetals d’a clientalla, como “la protección de datos de caracter personal y la privacidat u a libertat de recibir u comunicar informacions”, y creba tamién o d’as interpresas.

Os chueces remeran que ixo dreitos son protechius por a Carta d’os Dreitos Alazetals d’a UE y que son más importatns que a protección d’o copyright y d’as sociedatz de dreitos d’autor como a SGAE.

Garra gubierno ni garra chuez d’a UE no puet obligar a un proveyedor de conexión a Internet a cusirar que archivos comparten os clients suyos en os retes d’intercambio P2P (u ‘peer to peer’). A chusticia europeya resuelve asinas o concaramiento entre a teleoperadora belga Scarlet y a sociedat de chestión d’os dreitos d’autor SABAM (a homologa belga d’a SGAE), dimpués de que un chuez de Bruselas obligase a la proveyedora d’Internet a supervisar a los suyos clients. Scarlet recurrió a decisión chudicial en Luxemburgo.

A chusticia europeya considera tamién que “se podría vulnerar a libertat d’información, porque existe o risque” de que las operadoras “no distinguen prou entre contenius licitos u ilicitos y puedan bloqueyar comunicacions de conteniu licito”. A sentencia avisa de que “o filtrau de todas as comunicacions electronicas que s’aplica indistintament y con caracter preventivo ye incompatible con os dreitos protechius por a Carta d’os Dreitos Alazetals d’a UE.”

Fuent: http://www.vilaweb.cat/noticia/3954097/20111124/ue-prohibeix-operadores-vigilar-descarregues-internautes.html

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.