A Universidat de Zaragoza fará un Curso de Verano sobre as Luengas d’Aragón

Se i charrará sobre l'actual situación sociolingüistica d'Aragón

cartelA Universidat de Zaragoza ha feito publico o curso de verano sobre luengas d’Aragón, con o titol “Chestionar a diversidat lingüistica d’Aragón“, que se celebrará os días 9, 10 y 11 de chuliol. O curso, empentau dende o Departamento de Psicolochía y Sociolochía, ye endrezau a “profesors d’os diferents libels educativos vinculaus a las luengas d’Aragón u intresaus en ellas; alumnada universitaria de l’ambito d’a filolochía, machisterio, humanidatz, sociolochía u antropolochía; profesionals intresaus en exercer como profesors u como investigadors arredol d’istas luengas; y publico en cheneral”. En ista primera edición colaboran profesors de distintas universidatz, asinas como profesionals de reconoixida valura, explican dende a Universidat.

Entre os obchectivos d’o curso, a organización destaca: “Reflexionar sobre l’actual situación d’a pluralidat lingüistica d’Aragón, o suyo orichen y a posible evolución d’ista; conoixer a diversidat de variedatz de cada luenga d’Aragón, tanto social como lingüisticament; adquirir competencias adequadas en l’uso de tecnicas d’investigación sociolingüistica; y introducir-se en a didactica y as nuevas tecnolochías arredol d’as luengas d’Aragón”.

O periodo de matricula en iste curso de verano ya ye ubierto y rematará o 7 de chuliol. A matricula tien un pre de 100 Euros (incluindo materials), y se puede fer on-line dende a web d’a Fundación FEUZ.

Una rispuesta a A Universidat de Zaragoza fará un Curso de Verano sobre as Luengas d’Aragón

  1. Dabi Lahiguera

    Pos m’he d’apuntar…

Responder a Dabi Lahiguera Cancelar respuesta

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.