A Universidat de Zaragoza remera a Servet

A institución homenacheará a lo scientifico en o 500 anniversario d'a suya naxedura

Miguel Servet

A Universidat de Zaragoza celebra hue, chueves 29 de setiembre, un acto academico adedicau a la figura de Miguel Servet, con motivo d’o 500 anniversario d’a suya naxedura. L’homenache, que será hue a las 17.00 horas en l’Aula Magna, incluyirá dos conferencias que aludirán a la trascendencia intelectual, scientifica y filosofica d’a obra d’iste aragonés, encorriu por a Inquisición y que morió en a chera dimpués d’o proceso chinebrino incoau por Calvino. Con iste acto se rinde homenache a Servet como un intelectual humanista de primera machnitut y un referent en a luita por a tolerancia y libertat de consciencia.

Os nombres d’o Corazón ye o títol d’a primer conferencia, impartida por o profesor Ignacio Ferreira Montero, catedratico emerito de Cardiolochía d’a Universidat de Zaragoza. Contino, Miguel Servet: a utopía y a ficción d’o corazón correrá a cargo de José Luis Corral Lafuente, profesor titular d’o Departamento d’Historia Meyeval, Sciencias y Tecnicas Historiograficas y Estudios Arabes y Islamicos d’a Universidat de Zaragoza. L’homenache contará a más con presencia de Francisco Javier Gracia Balaguer, president d’a Sociedat Aragonesa de Cardiolochía, y de José Antonio Casasnovas Lenguas, president d’a Sección de Cardiolochía Preventiva d’a Sección de Cardiolochía Preventiva d’a Sociedad Española de Cardiología y coordinador d’o Programa de Investigación Cardiovascular de l’Instituto de Ciencias de la Salud d’o Gobierno d’Aragón.

Con iste acto, a Universidat de Zaragoza se suma a las diferents actividatz organizadas arredol d’a figura de Servet, en as que han colaborau, como a instalacion expografica sobre Servet en a frontera d’o Paraninfo. Iste montache tien un caracter eminentement divulgativo sobre o personache, y aculle, enmarcando-la, a estatua sedent en piedra blanga de Fonz, feita por l’escultor Dionisio Lasuén Ferrer, asinas como una sintesis biografica y una selección d’as primeras edicions d’os suyos escritos, acompanyaus d’elementos graficos sobre os mesmos.

Fuent: http://www.unizar.es/actualidad/vernoticia.php?id=5585&idh=1890

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.