A Universidat reubre a botiga d’o Paraninfo

Antimás de libros y catalogos se i vende toda mena de materials escolars

Botiga universitaria (Foto: Universidat de Zaragoza)

Botiga universitaria (Foto: Universidat de Zaragoza)

A Universidat de Zaragoza ha esviellau de tot a botiga que tien en l’Edificio Paraninfo de Zaragoza. A los libros editaus por Prensas Universitarias y os catalogos d’as exposicions que se i vendeba d’antismas se i han adhibiu nuevos materials de toda mena: dende tricotz u chambretas dica memorias USB, rebels u boligrafos. Tot productos oficials d’a Universidat de Zaragoza y fendo servir o suyo logo.

Antimás de materials universitarios tamién se i vende una linia de productos ecolochicos y bellas piezas d’artesanía. Tot se puet mercar por agora en a botiga y, seguntes ha informau a Universidat, en a pachina web que ubrirán tamién a escape. Antiparti d’os materials ya feitos, a institución ufre a los centros, departamentos y institutos d’a universidat a posibilidat de fer productos de propio ta ells, siempre que cumplan con un Manual de Imachen.

A botiga ubre de 10 a 14 y de 17 a 21 de lunes a sabado.

 

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.