A Universitat de València dichitalizará fundos sobre os Reis d’Aragón

Iste prochecto ye parti de l'europeu Europeana Regia.

Estatua de Chaime I d'Aragón (Foto: Baptiste Pons)
Estatua de Chaime I d’Aragón (Foto: Baptiste Pons)

A Univèrsitat de Valencia dichitalizará quasi a metat d’os suyos fundos d’a Bilioteca d’os Reis d’Aragón en Napols. Serán un total de 92 manuscritos d’os 226 que’n tien, con bellas 40.000 imachens.

Ista iniciativa ye aintro d’o prochecto Europeana Regia que permitirá l’aceso libre a 874 manuscritos ya más de 300.000 imachens de institucions europeyas. Chuntará tres bilbiotecas: a Bilioteca Carolinchia, a de Carlos V de Francia y a familia suya y a d’os Reis Aragoneses de Napols. Bi colaboran, entre atras, a Biblioteca Nacional de París, a Reyal de Belchica, as alemanas Bayerische Staatsbibliothek y Herzog August Bibliothek, a Brittish Libray u a Vittorio de Napols.

O prochecto permitirá l’acceso a documentos de toda mena feitos dende o sieglo VII dica o XVIII. Antimás dende a institución bi ha un compromís con o movimiento Open Access, que reivindica acceso ubierto y universal a tot conoiximiento scientifico. Parti d’o prochecto ya se puet viyer en a web www.europeanaregia.eu.

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.