A vada de parques y chardins continará

Se convoca una manifestación t'o venient chueves dende a Plaza Sant Miguel

Os treballadors de FCC parques y chardins no han plegoron o viernes en garra alcuerdo con a interpresa ta aturar a vada que son fendo. Una asambleya de treballadors decidió de continar con a vada dica que s’ascuiten as suyas reivindicaciones.

Seguntes nota de prensa d’o Comité d’interpresa se prebó de negociar de todas trazas con a dirección de FCC. Se les ufrió mesmo bella mena de pinyora t’o president d’o comité y zarrar o blog “jardinlibertario” d’o sindicato CGT. Manimenos, seguntes a nota, a interpresa no quiere  que “o tozuelo y a sangre d’o miembros d’o Comité.

L’asambleya de treballadors querió tamién fer un comunicau a la sociedat: “No somos de vada por diners u por un convenio, sino por a nuestra dignidat y por esfender os dreitos laborals y sindicals de toda a plantilla y dica que a interpresa no readmita dignament a lo president d’o comité y respete os dreitos nuestros continaremos sin treballar”

Tampoco no han aceptau que un d’os treballadors de CGT se declare autor d’o blog “jardinlibertario”, pues o resposable de dito blog “ye o sendicato CGT y no pas garra d’os treballadors de FCC. Ta rematar se demanda que Fernando Gimeno, vicealcalde de Zaragoza, que faiga reblar a os responsables d’iste servicio publico.

Aicions

A Comisión de movimiento obrero d’o 15M convocó una perolada o pasau sabado debant d’o concello. Iste mesmo movimiento en ha convocau una atra o venient miercols en as puertas d’a siede d’o PSOE. Ixe mesmo diya s’han convocau concentracions en as siedes de FCC d’atras ciudatz como Madrid, Barcelona u Valencia.

A plantilla ha convocau tamién una manifestación, o venient chueves, que prencipiará a las 20.00 en a Plaza Sant Miguel y plegará en as puertas d’o concello. A ista convocatoria ya han amostrau o suyo refirme bells colectivos y organizacions sindicals, socials y vecinals.

 

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.