A val d’Aspa y a Comarca d’a Chacetania editan de conchunta una guida turistica

Se i replegan as actividatz que bi habrá iste verano en os dos territorios

portalada

Portalada d’a guida

A val d’Aspa, en Occitania, y a Comarca d’a Chacetania han editau de conchunta una guida d’ocio de verano a on que se replegan as actividatz programadas en os lugars d’istos dos territorios mientres istos meses. Ye a tercer anyada que s’edita aintro d’o prochecto IMPULSADOS, d’o Programa Operativo de Cooperación Territorial Espanya-Francia Andorra 2007-2013.

Con ista guida, os dos territorios quieren “fer valurar, en una lochica sostenibles, o patrimonio natural y cultural d’os dos territorios, empentando a chestión d’os recursos meyoambientals con l’obchetivo final de promover una identidat pirinenca comuna”, seguntes a propia guida.

O documento replega as actividatz que se ferán en a Chacetania y a Val d’Aspa, asinas como as exposicions que bi habrá, os puestos d’intrés, información sobre turismo activo, telefonos y contactos utils y un chiquet mapa. A guida, en castellano y francés, se puet consultar y descargar en a web www.aspejacetania.com.

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.