A VIII Trobada de neuro-sciencias se ferá en Zaragoza o 21 y 22 de noviembre

A edición d'ista anyada leva como titol "Neuro-sciencia d'a salut: una anvista integradera"

Os venients 21 y 22 de noviembre, a Universidat de Zaragoza será o scenario a on se desembolicará a VIII Trobada de neuro-sciencias, que organiza a Unidat d’Investigación en Fisioterapia. Baixo o lema “Neuro-sciencia d’a salut: una anvista integradera” achuntará a beluns d’os principals expertos en ista demba d’a sciencia.

A trobada tien como obchetivo chuntar a investigadors d’a demba d’a neuro-sciencia ta compartir os conoiximientos y intercambiar ideyas. Bi habrá charradas sobre Neurobiolochía molecular y patolochías, Neurofisiolochía y neuro-sciencia de sistemas y Neuro-sciencia aplicada a la clinica, impartidas por José Vicente Lafuente, Javier Mínguez y Elena Bueno.

Ista edición, que se celebra en l’Anyada d’a Neuro-sciencia en Espanya, se ferá en a Facultat de Sciencias d’a Salut y contará con a presencia de scientificos y tamién de representants d’interpresas d’o mundo d’a salut y a medecina.

 

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.