A Wikipedia en Aragonés ya tien mas de 30.000 articlos

L'Aragosauro ha estau l'articlo 30.000 d'a Wikipedia en Aragonés

articloO pasau mierques, 11 de chunyo a Biquipedia (edición en aragonés d’a bien conoixida Wikipedia) blincó a branquilera d’o 30.000 articlos, gracias a la creyación d’un articlo sobre l’Aragosauro.  Con ixe numero d’articlos y un total de 10 millions de parolas, a Wikipedia en Aragonés se posiciona en o puesto 87 (59 considerando a grandaria d’una muestra d’articlos importants), una posición notable pa una luenga tant chicota como a nuestra. De feito, contina estando a luenga natural con mas articlos por fablant.

Ista fita tant sinyalera se produz quan queda poco mas d’un mes ta que a Wikipedia en Aragonés faga os 10 anyos de vida. Estió o 21 de chulio de 2004 quan se creyó o prochecto en aragonés y o 4 d’agosto d’ixe anyo quan un usuario anonimo i creó o primer articlo, relativo a la estrela Antares. Dende alavez iste prochecto ha creixiu gracias a totz os colaboradors habituals que i han adedicau en bell momento os suyos esfuerzos, y a milars de colaboradoras puntuals.

Una rispuesta a A Wikipedia en Aragonés ya tien mas de 30.000 articlos

  1. Pingback: A Biquipedia ya tien mas de 30.000 articlos » AraInfo

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.