A XXI Marcha Cicloturista de Mequinenza se disputa o domingo sobre un recorriu de 108 kilometros

As y os participants, que podrán inscribir-se en a salida, iniciarán o recorriu a las 7.45 d'o maitino dende a Plaza d'o Minero

Foto: Club Ciclista Mequinenza

Foto: Club Ciclista Mequinenza

O domingo 10 de chuliol se disputará a XXI Marcha Cicloturista de Mequinenza que finalizará con l’ascensión t’o castiello d’a localidat una vegada completau o recorriu que pasará por as localidatz de Torrent, Fraga, Velilla d’a Cinca, Ballobar, Ontinyena, Alcoleya de Cinca, Albalat de Cinca, Belver, Osso y Zaidín completando una distancia de 108 kilometros.

I hai previstas dos paradas ta reprener fuerzas. A primera en Ontinyena, an que o concello d’a localidat ofrirá un desayuno a las y os participants, y a segunda en Torrent, a pocos kilometros de la meta, como punto d’avituallamiento ofriu por l’Asociación d’Amas de casa “A Torrentina”. A organización, o Club Ciclista Mequinenza, ha previsto premios a os primers en coronar a Puyada t’o castiello” que marcará a final d’a preba.

As inscripcions, limitadas a 100 participants por motivos de seguridat, se podrán formalizar chusto antes d’a salida. O pre ye de 18 euros ta no federaus, 12 ta federaus, 6 ta socios d’o club no federaus y gratis t’os socios d’o club federaus. O concello de Mequinenza, que colabora en ista cita esportiva, ha meso a la disposición d’as personas participants as instalacions d’o pabellón poliesportivo.

Fuent: http://arainfo.org/la-xxi-marcha-cicloturista-de-mequinena-se-disputa-el-domingo-sobre-un-recorrido-de-108-kilometros/

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.