A XXXI edición d’a Baja Aragón transitará por a provincia de Teruel

A conoixida preba automobilistica se disputará entre o 18 y o 20 de chulio y constará de 700 km.

Nani Roma en a Baja Aragón 2009. Foto: XRaid (CC-BY-SA)

Nani Roma en a Baja Aragón 2009. Foto: XRaid (CC-BY-SA)

700 kilometros recorrerán os participants en a XXXI Baja Aragón, que se disputará d’o 18 a o 20 de chulio, y que visitará en a suya mayor parte a provincia de Teruel.

A preba automobilistica constará de dos especials, o sabado y domingo, que se recorrerá dos vegadas. O viernes se realizará una prologo de 6 km. en a ciudat de Teruel.

O sabado y domingo, os autos y cambions recorrerán de maitins a SS1 con inicio y final en Teruel (116 km.), mientres que de tardes recorrerán a SS2, dende Teruel dica Calatayut (222 km.). As motos y quads realizarán de maitins a SS2 y de tardes a SS1.

O recorriu detallau encara no será disponible dica o diya anterior, 17, diya que ye previsto se faigan as diferents verificacions administrativas y tecnicas a os vehíclos participants.

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.