Abordando a sexualidat en personas con diversidat funcional, “Yes, we fuck!”

L'asociación Amanixer recomienda o documental "Yes, we fuck!", sobre a sexualidat en as personas con diversidat funcional

yes-we-fuck-chorche-tricasL’Asociación Aragonesa de Mullers con Discapacidat, Amanixer, que ye a primera asociación d’istas caracteristicas que se creya en Aragón, empecipió a suya marcha a prencipios de 2013 con l’obchectivo de reivindicar os dreitos d’iste colectivo, ofrir formación y información y luitar por eliminar as barreras especificas d’a muller con discapacidat.

Gracias a o suyo buen treballo, ha prencipiau a fer-se vistera en a sociedat aragonesa, y a suya presencia en os retz socials le permite que as suyas reivindicacions empecipien a tener incidencia. Una d’as suyas zagueras recomendacions en os retz socials ye o documental “Yes, we fuck!”.

Seguntes explican os suyos realizadors y realizadoras iste “ye un documental que quiere abordar a sexualidat en personas con diversidat funcional, os clamaus discapacitaus y discapacitadas. A sexualidat ye o motor mas potent de creiximiento personal, desembolique d’a propia personalidat y d’as relacions socials. Como tal, habría d’estar central en os refirmes socials a personas con diversidat funcional”.

“Dillá d’o sexo, o documental quiere amostrar no solament qué puede fer a sexualidat por as personas con diversidat funcional, sino tamién qué puede aportar a realidat d’a diversidat funcional a la sexualidat humana. A diversidat d’a sexualidat, o sentiu amplo d’a belleza y a luita por a independencia personal serán l’obchectivo d’as historias que ‘Yes, we fuck!’ nos amostrará”, indican.

Vidio d’o trailer: http://vimeo.com/70838857

Fuent: http://arainfo.org/2014/02/abordando-la-sexualidad-en-personas-con-diversidad-funcional-yes-fuck/

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.