Absueltos totz os imputaus por “l’acción Tupper” contra a politica educativa d’o gubierno

Os acusaus participoron en una acción a on que se metioron tupper-wares en una farola d'a carrera Alfonso, en solidaridat con a vaga de monitors de minchador

Aición tupper d'o pasau 12 de chinero (Foto: El ventano)

Aición tupper d’o pasau 12 de chinero (Foto: El ventano)

O maitin d’iste lunes, s’ha absuelto a las cinco personas que yeran imputadas por a clamada “acción tupper” que se fació en chinero, quan bellas personas facioron una escultura de tupper-wares en una farola d’a carrera Alfonso ta refirmar a vaga d’as monitoras de minchadors y protestar por a politica d’a consellería d’Educación. Dolores Serrat, titular d’a consellería, tien una casa en ixa carrera de Zaragoza y decidió de denunciar por “acoso” a la chent que i participó, entre qui bi yeran dos estudiants.

Os imputaus son estaus absueltos dimpués de que Serrat sisquiá ise t’o chuzgau a esfender o caso, por lo que a denunciau no s’ha ratificau. A Marea Verda, qui heban convocau una concentración en refirme a los imputaus en a puerta d’os chuzgaus, asperaba l’absolución y ha declarau que a denuncia estió “un concieto d’a consellera”.

Marea Verda ha quiesto remerar que, dende l’acción tupper, s’han meso a-saber-los entrepuces ta qualsiquier acto de protesta que se convocase en a carrera Alfonso u que sisquiá i pasase, como ye cutiano en muitas manifestacions. De feito, belunas han habiu de cambiar o suyo recorriu a zaguer hora por vieda d’a Delegación d’o Gubierno espanyol, a presencia d’a policía i ye cutiana, y mesmo  un miembro d’a Marea Verda, Antonio Aramayona, le’n metioron una pinyora en octobre, por estar-se posau en a suya silla de ruedas debant d’o portal a on que vive a consellera.

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.