ACNUR demanda más chenerosidat y hespitalidat a los estaus europeus

Acusan a Europa d'estar poco solidaria con os refuchiaus

António Guterres, representant d'ACNUR (Foto: Wikipedia)

António Guterres, representant d'ACNUR (Foto: Wikipedia)

L’Alto Comisionau d’as Nacions Unidas t’os Refuchiaus (ACNUR) estió muito critico ahiere con o papel d’os estaus europeus debant d’os refuchiaus de guerra. Antonio Guterres, o suyo representant, convidó a Europa a aprender d’os países en vías de desembolique que han teniu ‘chenerosidat y hespitalidat’  en fer remanir ubiertas as suyas mugas con os estaus vecins en conflicto. Istos países han aculliu mesmo o 80% d’os refuchiaus d’as redoladas en guerra.

Guterres quier que Europa enample a suya solidaridat con os refuchiaus ta que tot o peso no lo carríen bells pocos países. L’Alto Comisionau sinyala que un d’os prencipals problemas ye a cantidat de lechislacions diferents d’os estaus y a variedat en as politicas d’asilo  y graus de protección t’os refuchiaus en os países europeus.

O numer de demandas d’asilo en Europa puyó un 15% mientres 2011. En o conchunto d’os países industrializaus plegó a creixer un 20%  con un total 441.300 demandas, una d’as cifras más altas d’a historia. Guterres remeró bells numers d’os conflictos más amanaus como Siria, con 40.000 refuchiaus, Iraq, con 110.000, Mali a on bi ha 107.000 desplazaus, os 130.000 sudaneses que son mirando un refuchio u o millón de somalís que demandan asilo en países vencins.

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.