Acotoladas as dentradas t’o concierto de Berri Txarrak en Zaragoza

A sala Arrebato aculle un concierto que califican de "mitico"

cartelA tornada de Berri Txarrak (Malas noticias, en euskera) t’Aragón, a on que no tanyeba dende marzo de l’anyo pasau, ye estando tot un exito. As dentradas t’o concierto que ferán iste chueves en l’Asociación de Vecins Arrebato (C /  Palafox de Zaragoza) ya son acotoladas dende fa diyas.

Os fans d’a banda de Lekunberri podrán viyer a os mosicos en un concierto que se anuncia como “mitico” y que, tot y estando feitos a chiras grans y conciertos en amplos scenarios, a organización esfiende que “nunca no fan burro falso en scenarios chicotz como en ye a sala Arrebato. Dimpués de Zaragoza a chira continará por Catalunya, Valencia, Castiella y Andalucía ta rematar en Eukal Herria.

Berri Txarrak ye presentando o suyo sieteno disco, dende que prencipioron en 1997. Agora presentan en Zaragoza Haria (filo en euskera) a on que han contau con l’aduya de Ross Robinson, qui ha treballau con collas como Slipknot, At The Drive-In, The Cure u Sepultura.

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.