Activistas espulladas en o Vaticano a favor d’os dreitos d’os homosexuals

Quatre miembros d'a colla Femen s'han espullau quan Benedicto XVI prencipiaba a rezar l'anchelus

Imachen de l'aición (Foto: Femen.org)

Imachen de l’aición (Foto: Femen.org)

Quatre activistas ucranianas d’o movimiento feminista Femen se espulloron iste domingo en a Plaza de Sant Pietro d’o Vaticano quan o Papa Benedicto XVI rezaba l’anchelus ende a finestra d’o suyo apartamento.

D’ista traza expresaban o refirme a los dreitos d’os homosexuals ta poder casar-se y adoptar ninos, y criticaban a posición d’a ilesia francesa que s’oposa a lo prochecto de lei d’o gubierno d’Hollande ta regular istos dreitos. L’aición ha causau intes de muita tensión con os carabiners que bi heba en a plaza.

Aprofeitando que Benedicto XVI salida t’a finestra ta prencipiar a rezar, as quatre activistas s’han espullau; en o suyo cuerpo levaban escrito o lema en anglés ‘In gay we trust‘ (“en os gays confitamos”), y poco dimpués han estau detenidas por a policia.

Iste incident coincidiba con a multitudinaria manifestación que bi ha habiu en París contra o prochecto de lei d’o gubierno francés de legalización d’os matrimonios homosexuals y o suyo dreito d’adoptar.

En noviembre de 2011 cinco activistas de Femen ya preboron de manifestar-se en coritatis en a plaza de Sant Pietro d’o Vaticano, pero estioron interceptadas antis que lo podesen fer. Ista colla ya ha feito actos parellanos en bells quantos paises como Rusia, Reino Uniu u a mesma Ucrania, coincidindo con a zaguer Eurocopa de futbol.

Fuent: http://www.vilaweb.cat/noticia/4073598/20130113/activistes-despullades-vatica-favor-drets-homosexuals.html

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.