Acto en Zaragoza contra os retalles en cultura d’o Gubierno

Imachen de l'acto. Foto: Arainfo

Imachen de l'acto. Foto: Arainfo

A industria cultural aragonesa y diversos colectivos culturals reivindicoron ahiere tarde en Zaragoza a necesidat de detener los retalles presupuestarios a que se veye sozmetida por parte d’o Gubierno y d’a resta d’administracions publicas aragonesas.

En l’acto, celebrau en o teyatro d’as “Cantonadas d’o psiquiatrico” d’a capital, se combinoron qualques actuacions en directo con a prochección de videos y a exposición de l’argumentario y propuestas por parte de qualques d’os suyos portavoces. En o teyatro i acudioron chents d’a industria teyatral aragonesa, profesionals d’a videocreación, editors de comic, chestors culturals, representants d’a cucha institucional, escritoras, companyías de danza, productoras de cine u video, u pintors . Allí se fuoron destacando belunas d’as reclamacions mas urchents.

Se explicó como en os zaguers anyos s’ha retallau o 20% en 2010, o 30% en 2011 y o 50% en 2012 d’os presupuestos publicos adedicaus a la industria cultural aragonesa, y exichioron a homologación con zifras europeyas. Se reclamó o mantenimiento d’uns servicios publicos de cultura de calidat, se manifestó a necesidat de transparencia, coordinación y participación en as politicas culturals publicas. Tamién a necesidat de prochectos de mobilidat ta creyadors, asinas como a urchencia de reformular o sistema legal y economico que regula a las industrias y interpresas culturals en Aragón.

Dende o gubierno, o director cheneral de Cultura, Humberto Vadillo, ha sinyalau que o gubierno ha retallau un 12% menos d’o que n’heba feito o zaguer gubierno, y s’ha mostrau disposau a charrar con as entidatz culturals y a abordar de camín a anunciada lei de mecenazgo.

A plataforma “+Cultura: Aragón Cultural”, convocant de l’acto ye creyada por mas de 30 colectivos, companyías, u asociacions vincladas a o teixiu industrial cultural aragonés.

Fuent: arainfo.org/2012/02/acto-reivindicativo-contra-los-recortes-de-la-dga-de-la-plataforma-“cultura-aragon-cultural-”/

Una rispuesta a Acto en Zaragoza contra os retalles en cultura d’o Gubierno

  1. Pingback: Acto en Zaragoza contra os retalles en cultura d’o Gubierno | Arredol - La Franja

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.