Adchudicada a restauración d’o concello de Castelserás

O Ministerio espanyol de Fomento ha adchudicau a realización d’as obras de restauración d’a Casa Consistorial de Castelserás, en o Baixo Aragón. A intervención s’incluye en o Plan d’Actuación Especifico ta Teruel y se desembolicará dentro d’o programa de Recuperación Patrimonial d’Elementos Singulars, d’a Secretaría d’Estau de Vivienda y Actuacions Urbanas.

As obras, que bosará integrament o Ministerio de Fomento, serán realizadas por a interpresa COMSA, Constructora d’Obras Municipals, S.A. y costarán de 491.895 euros, a qualcosa suposa una baixa sobre o pre base de licitación d’o 19%. A duración prevista d’as obras ye de 12 meses.

O Concello de Castelserás ocupa un edificio historico d’o sieglo XVI. A obra prevista consiste en a completa restauración de l’edificio, a suya adequación funcional, con instalación d’ascensor y total supresión de buegas arquitectonicas.

En a planta baixa se desembolicarán as dependencias an que ferá os suyos tramites o publico, mientres que en la planta primera s’amilloran as condicions d’o Salón de Plenos, Alcaldía y servicios administrativos. A tercena planta se destinará a archivo cheneral y sala d’exposicions.

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.