Adchudicadas as 34 nuevas farmacias d’Aragón

A provincia de Zaragoza pilla o mayor numer de nueva licencias: un total de 25. Dende o Gubierno s'aspera que s'ubran antis con antis.

farmaciaDimpués de seis anyada seguidas a on que garra localidat aragonesa ha visto ubrir as puertas d’una nueva farmacia, o Gubierno d’Aragón ya ha determinau o nombre d’os 34 licenciaus que podrán fer-lo l’anyada venient. En ista ocasión, a provincia de Zaragoza ye a más beneficiada ya que contaba que qualques redoladas de nueva construcción que no teneban iste servicio. D’ista traza y gracias a las quatre nuevas ubriduras, os vecins d’a redolada de Val d’Espartera – Montecanal no habrán d’aluenyar-se guaire de casa suya t’a una faina ta alazetal como ir a mercar medicamentos.

L’intrés en estar un d’os afortunaus en conseguir una licencia s’ha visto reflexau en o numer de profesionals que s’han presentau t’o concurso: un total de 600. A l’hora de conceder-ne, o Departamento de Salut d’o Gubierno d’Aragón ha parau cuenta d’os meritos d’os profesionals, asinas como a suya experiencia profesional, l’expedient academico, as oposicions y actividatz de formación, a docencia y as publicacions y comunicacions.

Gracias a las 34 nuevas farmacias, se proporcionará cobertura directa a 350.000 personas, cifra que creixerá con o tiempo, ya que tamién s’ha parau cuento d’o creiximiento d’a población en os sectors beneficiais. De man d’o beneficiarios, tienen agora quatre meses ta trigar un local y atros seis ta ubrir-lo.

 

Fuent: http://www.aragon2.com/n-20440-2-Adjudicadas_las_34_nuevas_farmacias_de_Aragon

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.