Adios a Hotmail

Microsoft prencipia a traspasar os trescientos millons de cuentas d'usuarios d'ista correu web t'a plataforma Outlook

logoDimpués de quasi decisiet anyadas de funcionamiento, a historica plataforma de correu electronico Hotmail, baixo a orbita de Microsoft, pasa o relevo t’o servicio paralelo Outlook, tamién de Microsoft. Dende iste miercols, a companyía prencipia a traspasar os trescientos millons d’usuarios ent’a nueva plataforma de webmail. Isto no significa que desapareixcan as adrezas rematadas en @hotmail.com, porque qui quiera podrá mantener-las.

O estiu de l’anyada pasada, Microsoft prencipió a caminar ent’a fin de Hotmail con a devantadera de Outlook Online. L’obchetivo yera que os millons d’usuarios d’o suyo veterano correu web isen migrando de traza voluntaria enta iste nuevo servicio, que fa servir a interfaz d’antis clamada Metro y que tamién ye present en os sistemas Windows 8, Windows Phone y Xbox 360.

L’emplego d’a plataforma Outlook pasa a estar obligatorio dende iste miercols, por lo que os usuarios que no han feito o paso habrán de trasladar-se-ie. Se calcula que o proceso de migración que s’ubrió iste miercols se prolargue dica que plegue l’estiu. En o paso ta Outlook, se podrán continar fendo servir as antigas adrezas u demandar o mesmo nombre de correu, pero rematau en @outlook.com. Si s’opta por ista opción, se pueden combinar as dos adrezas en una sola servilla, ta que continen dentrando-ie os mensaches de l’antiga cuenta de Hotmail sin problemas.

 

Sabeer Bhatia y Jack Smith engueroron en chulio de 1996 HoTMaiL, un d’os promers proveyedors de correu electronico de baldes. A l’atra anyada, Microsoft mercó o servicio por bells quatrecientos millons dedolars, en una d’as primers grans adquisicions d’o nuevo mundo d’internet y lo rebaltizó con o nombre de MSN Hotmail.

 

Fuent: http://www.vilaweb.cat/noticia/4086268/20130219/adeu-hotmail.html

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.