Adiós a Umberto Eco, l’hombre que lo sabeba tot

umberto eco-1“Adiós a Umberto Eco, l’hombre que lo sabeba tot”, asinas titolaba La Reppublica iste maitín. Y asinas hemos sabiu que lo filosofo, escritor y semiologo s’ha muerto ista pasada nueit, con 84 anyos. La prensa italiana ha reaccionau a una voz, con elochios a qui ye estau un d’os intelectuals mas influyents d’os zaguers decenios en Europa.

A Umberto Eco se l’ha conoixiu tanto por las suyas obras de ficción, mas que mas en lo chenero d’as novelas, como por los suyos tractaus de semiotica. Naixiu en 1932 en Alexandría (Piemont) en o sino d’una familia de tretze fillos, estudió la filosofía y las letras en a Universidat de Turín, on esdevinió doctor.  Fue profesor en diversos centros de prestichio, y yera dende 1971 profesor de semiotica d’a Universidat de Bolonia.

Eco revolucionó l’analisi d’os medios y fue mas que mas conoixiu por lo gran publico por las suyas novelas d’exito mundial, entre las quals podemos esmentar Lo nombre d’a Rosa.  La suya zaguer novela, Numero zero, tractaba arredol d’a crisi d’o periodismo.

Fuent: http://www.jornalet.com/nova/6436/adieu-a-umberto-eco-lome-quo-sabia-tot

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.