Admitida a querella d’o 15M contra ex-directivos de Bankia

Rodrigo Rato y tot lo consello d'aministración acusaus de varios delitos

Rodrigo Rato, ex-president de Bankia (Foto: Wikipedia)

Rodrigo Rato, ex-president de Bankia (Foto: Wikipedia)

L’Audiencia Nacional Espanyola ha admitiu a querella presentada por o movimiento 15M contra Rodrigo Rato y atros ex-directivos d’a entidat financiera Bankia. A querella estió presentada en nombre de trece chicotz accionistas d’a entidat qui dicen haber perdiu más de 100.000 euros quan Bankia salió t’a Bolsa. O chuez de l’Audiencia, Fernando Andreu, ha decidiu acumular ista querella con una atra presentada antis por o partiu UPyD (Unión Progreso y Democracia).

A querella, empentada dende a inciativa clamada ’15MpaRato’ ye estada posible gracias a o crowdfunding (financiación en masa). En as primers 24 horas dende que s’anuncioron os obchetivos o 15M replegó más de 15.000 euros. Agora acusan a Rodrigo Rato y a tot lo consello d’administración de Bankia d’os delitos de falsedat de contabilidat ta pillar capitals en os mercaus secundarios, estafa en documento mercantil, falsifiación de cuentas y intervención fraudulenta y desleyal.

A iniciativa ’15MpaRato’ ya ha comunicau en a suya web as reaccions sobre l’anuncio de l’Audiencia y os trangos que seguirán dende agora. Seguntes a organización ‘os bancos son intocables pero os banquers son personas a las que demandar responsabilidatz.’

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.