Aguarón exiche a la CHE y a la DGA a limpieza d’o cauz d’a galocha d’o Plogar

O cauz d'a galocha d'o Plogar presenta un estau d'albandono que podría producir incendios u engaronamientos por maleza u arbustos

Aguarón. Foto: DPZ

Aguarón. Foto: DPZ

O Pleno d’o Concello d’Aguarón (Campo de Carinyena) aprebó en pleno a resolución presentada por o grupo municipal de Chunta Aragonesista ta instar a la Confederación Hidrografica de l’Ebro (CHE) y a o Gubierno d’Aragón a la limpieza d’o cauz d’a galocha d’o Plogar, dende o casco urbano d’Aguarón dica a suya naixencia, debant d’o suyo estau de total albandono.

Alberto Ruesca, portavoz de CHA en o consistorio aguaronero, sinyala que “o nulo mantenimiento que l’administración competent fa sobre o cauz d’a galocha d’o Plogar fa que presente un estau penible d’albandono, debiu a la maleza que creixe en ell, con arbustos, repuis d’arbols xutos, ensers y envases fitosanitarios albandonaus”. A isto cal sumar que en as marguins d’a galocha en epoca estival a maleza se troba xuta y o pinar plega dica o mesmo cauz d’a galocha en os arredols d’o casco urbano.

Ista situación, seguntes Ruesca, “podría producir un incendio en a Sierra d’Algairén, que mesmo podría afectar a bella vivienda d’a localidat”. O portavoz de CHA en Aguarón sinyala que “a isto se podría sumar, debant de fuertes tronadas, a posibilidat d’engaronamientos en as viviendas d’a parte baixa d’o casco urbano, a causa de l’arrociegue de maleza, arbols y camals xutos y atros ensers albandonaus. Cal que as administracions competents se metan luego mans a la obra”.

Fuent: http://arainfo.org/2014/03/aguaron-exige-la-che-y-la-dga-la-limpieza-del-cauce-del-arroyo-del-plogar/

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.