Agüero celebra a fiesta d’as mascaretas

A fiesta estió recuperada en 2008 y ista anyada coincide con Sant Blas, patrón d'o lugar

cartelAgüero celebra iste sabado a fiesta d’as mascaretas, una d’as primers festividatz carnavaleras d’o Pirineu, y que estió recuperada por os suyos habitadors en 2008, dimpués de decadas sin fer-se. China chana, ista fiesta se ha convertiu en un d’os referents d’os carnavals pirinencos.
A chornada prencipiará con o taller de mascaretas que se fa de maitins, a on que qui quiera podrá fer-ie a mascareta que portará de tardis. De meyodiyas  bi habrá caldereta t’o vecinamen, que habrán presto os “pozaleros” u “fieros” ya dende o maitín. A las 20:00 plega l’acto central que ye a ronda, ya con toda la chent presta portando as suyas mascaretas y traches, belunos con muita tradición.
Como en atros carnavals de l’Alto Aragón, no i falta muitos personaches sinyalers como os debanditos “pozaleros” u “fieros” que chitan pozals d’augua a la chent, as “mahas”, que gosaban d’estar as mozas casaderas, y que portaban os millors vestuaches t’a ocasión, o caracolero u o monyaco.
A mosica i será present tot lo diya con o Salón Dudé. Antimás ista anyada s’aspera un ambient mesmo más festivo, en coincidir a fiesta d’as mascaretas con a de Sant Blás, patrón d’o lugar.

2 Rispuestas a Agüero celebra a fiesta d’as mascaretas

  1. Pingback: Agüero celebra a fiesta d’as mascaretas y Lituenigo a fiesta en honor a Sant Blas | AraInfo | Achencia de Noticias d´Aragón

  2. Agüero en o Pirineu??

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.