Michel u Jiménez sustituyirán a Aguirre como entrenador d’o Zaragoza

A traviés d’un comunicau de prensa en a maitinada d’o viernes, o Reyal Zaragoza ha anunciau o cese de Javier Aguirre como entrenador d’o Reyal Zaragoza. Os risultaus d’iste anyo y a situgación de l’equipe en a tabla han feito que a directiva creiga bueno cambear l’entrenador. Ta o puesto s’ha charrau de nombres como Esnáider, actual entrenador d’o filial, Míchel u l’aragonés Luis Milla.

Aguirre plegó a o Zaragoza fa un anyo ta relevar a José Aurelio Gay, y baixo o suyo mando l’equipe aconsiguió mantener-se en a primer categoría d’o futbol espanyol. En iste anyo, y con a incorporación de chugadors d’o suyo agrado, como Juárez u Barrera, Aguirre no ha puesto fer cosa ta privar a l’equipe de ser zaguero en a clasificación.

Michel, ex-chugador d’o Reyal Madrit y ex-entrenador d’o Getafe, plega ta Zaragoza, seguntes heraldo.es, a prebar de fer buena a una colla de futbolistas que han levau a l’equipe a o zaguer puesto. Con ell s’aspera que pleguen bells nuevos chugadors y puestar que marchen atros como Ponzio u Da Silva, amás d’os mexicans y Obradovic que agora no tiene ficha.

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.