Alcuerdo de totz os partius aragoneses ta que as y os menors a partir de 16 anyos puedan dentrar solos en salas de conciertos

Todas as formacions politicas con representación parlamentaria en las Cortz d'Aragón presentoron iste lunes una iniciativa ta modificar as leis d'Espectaculos Publicos y de Nineza y Adolescencia ta permitir a las y os menors de 16 anyos asistir a conciertos musicals en locals y salas.

Vinadé y Pascual chunto a os representants d'os partius (Foto: Arainfo)

Vinadé y Pascual chunto a os representants d’os partius (Foto: Arainfo)

Ista iniciativa surte d’a propuesta d’o colectivo “Queremos dentrar-ie” y dos d’os suyos components, Sergio Vinadé y Nacho Pascual, ufrioron a rueda de prensa ta explicar-la acompanyaus por representants de todas as fuerzas politicas con representación en as Cortz.

L’obchectivo ye que as y os menors puedan acceder a la cultura en as mesmas concicions a un concierto que a un teatro u a un cine, antimás de permitir que aquells que actuen puedan fer o suyo treballo.

En as dos normas que caldrá modificar, apareixeiba a vieda total de l’acceso de menors a aquells puestos an que se fan de cutio os conciertos, fueras d’os grans espectaculos.

Asinas, con a modificación que planteya la propuesta se metería un matiz de traza que se mantendría a vieda t’acceder ta ista mena de recintas, fueras de t’asistir a representacions mosical en vivo.

En concreto, las y os menors a partir d’os 16 anyos, podrán acceder solos ta istos puestos, mientres que qui sigan por debaixo d’ista edat, habrán de fer-lo acompanyaus d’un adulto responsable.

En totz dos casos, o menor siempre sería identificau y os encargaus d’as salas ferán as comprobacions que calga debant d’a venda d’alcohol y tabaco en a sala y ta que marchen d’a sala malas que remate l’espectaculo.

 

Fuent: http://arainfo.org/2016/05/101723/

Una rispuesta a Alcuerdo de totz os partius aragoneses ta que as y os menors a partir de 16 anyos puedan dentrar solos en salas de conciertos

  1. Pingback: Acuerdo de los partidos aragoneses para que los menores de más de 16 años puedan entrar solos en salas de conciertos(AN)

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.