Alcuerdo entre Aramón y Candanchú ta ubrir iste hibierno

Os treballadors habrán d'ir ta FOGASA ta poder cobrar os atrasos.

Candanchu (Foto: Wikipedia)

Candanchu (Foto: Wikipedia)

Dimpués de bellas semanas de negociacions, s’ha plegau en un alcuerdo entre as interpresas Aramón y Etuksa ta ubrir a estación d’esquí mientres iste hibierno.

L’achuste, que se sinyará en istos diyas, tien o visto bueno de Aramón (interpresa participada por a D.Ch.A. y Ibercaja) y d’o propio Gubierno d’Aragón, y guarancia que Candanchú ubra. Aramón habrá de nombrar un chestor d’a direccióne stratechica d’istos meses qui coordinará con o personal d’a estación o suyo funcionamiento. Os diners irán destinaus ta ubrir a estación y ta gastos tan basicos como dar d’alta a luz. Tamién en saldrá o chornal d’os treballadors, pero no pas os atrasos, asinas que istos habrán d’ir ta FOGASA ta cobrar lo que se les debe.

As prebas ta tornar a fer funcionar a estación ya son prencipiando y mientres as venients semanas tot se deixará presto ta poder ubrir antis con antis.

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.