Alcuerdo entre EEUU y Rusia pa eliminar l’arsenal quimico de Siria

O pacto descarta un ataque militar: 'A solución ha d'estar politica', dicen Kerry y Lavrov

Lavrov y Kerry conversan en foto d'archivo. Foto: Departamento d'Estau d'os EE.UU.

Lavrov y Kerry conversan en foto d’archivo. Foto: Departamento d’Estau d’os EE.UU.

Os gubiernos d’os Estaus Unius y de Rusia han arribau a un alcuerdo pa retirar y eliminar l’arsenal quimico de Siria con a condición que Damasco entregue, antes d’una semana, una lista de tot iste material. L’alcuerdo, amás, descarta un ataque militar en Siria.

Dende Chinebra, John Kerry, secretaire d’estau norteamericano, y Sergey Lavrov, ministro d’Afers Extranchers ruso, han presentau chuntos l’alcuerdo a que han plegau dimpués de tres diyas de negociacions.

L’alcuerdo no contempla garra ataque militar en Siria. ‘No i hai una solución militar. A solución ha d’estar politica‘, ha declarau Kerry, que con tot y con ixo, ha puntualizau que en l’alcuerdo no s’especifican as midas que podría adoptar, de traza consensuada, o Consello de Seguridat d’a ONU si Damasco se niega a cumplir as exichencias d’os EE.UU. y Rusia.

Una vegada a ONU aprebe a proposa conchunta, Siria tendrá una semana pa entregar una lista completa detallando o suyo arsenal. L’alcuerdo preveye que os inspectors d’a ONU tornen ta Siria antes de noviembre, y allá tendrán acceso sin garra mena de restriccions. Finalment, o calendario preveye que a mitat de 2014 o gubierno sirio haiga entregau tot l’arsenal.

Fuent: http://www.vilaweb.cat/noticia/4143797/20130914/acord-eua-russia-eliminar-larsenal-quimic-siria.html

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.