Alemanya qüestionó lo papel de Juan Carlos en o 23-F

Un documento de l'embaixador alemán d'a epoca, revelau hue por 'Der Spiegel', amostra un rei comprensivo y simpatizant con os golpistas.

Helmut Schmidt, canciller d'Alemanya en ixa epoca. (Foto: Biquipedia)

O semanario Der Spiegel publica hué en a suya edición en papel un informe ninviau por l’embaixador alemán en Espanya en 1981, Lothar Lahn, en o que exposa que o rei Juan Carlos amostró comprensión por os protagonistas d’o golpe d’estau d’o 23 de febrero de 1981. A revista se basa en un espacho ninviau por l’embaixador a o gubierno d’o socialdemocrata Helmut Schmidt, y que fa no guaire s’ha desclasificau. Se i describe o conteniu d’una conversa entre Lahn y o rei o 26 de marzo de 1981 en o que Juan Carlos, luen d’amostrar refuse u indignación por os golpistas, i amostraba “comprensión y simpatía”.

O rei, seguntes Lahn, tamién le aseguró: “Os líders d’o golpe nomás pretendeban o que totz querébanos, concretament o restablimiento d’a disciplina, l’orden, a seguridat y tranquilidat”. Y cargaba toda la responsabilidat d’o golpe d’estau a o president d’o gubierno espanyol, Adolfo Suárez.

O rei confesó a l’embaixador alemán que se miraría d’influyir en o gubierno y os tribunals ta privar un castigo severo a os golpistas, y que o 23-F s’heba de xublidar quanto antis millor.

Seguntes publica o diario catalán Vilaweb, a Casa Reyal, contactada por l’achencia Efe, ha manifestau sobre ista qüestión que “o papel y l’actuación d’o rei ya son consolidadas por a historia, y a traza decidida y deteminant como actuó en esfensa d’a democracia ye sabida por toda la sociedat espanyola y en tot lo mundo”.

Fuent: http://www.vilaweb.cat/noticia/3980443/20120205/alemanya-questionar-paper-juan-carlos-23-f.html

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.