Alerta por plevias y deschelo en o Pirineu

O temporal afectará a tot Aragón con una mayor incidencia en o Pirineu

plevia

Foto: Biquipedia

Un temporal de plevias visita Aragón dende hue. S’ha activau l’alerta amariella por fuertes plevias y tronadas en o Pirineu. Podría plegar-se en 100 litros por metro quadrau de plevia en 12 horas en bells puntos d’a cheografía pirinenca. Mientres ista maitinada y a tarde de maitín se producirán as precipitacions mas fuertes.

Asinas mesmo, s’aspera que contine o deschelo en as montanyas, con una cota de nieu que continará muit alta. Isto chunto a las fuertes plevias fan temer una situación complicada. Tamién bufará con fuerza o bochorno y puede pedregar.

Dende AEMET en Aragón destacan que no ye una situación inusual y tamién advierten d’una baixada fuerte d’as temperaturas que aliviará a calor ya veraniega d’istos diyas.

Tanto AEMET en Aragón como o Gubierno d’Aragón son atentos a las previsions meteorolochicas ta prever y prener as midas que calgan.

 

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.