Alice Munro gana o Nobel de Literatura 2013

O churau d'os Premios Nobel ha anunciau iste mediodiya o galardón de literatura

Debuixo d'Alice Munro. Imachen: Andreas Vartdal (CC-BY-SA)

Debuixo d’Alice Munro. Imachen: Andreas Vartdal (CC-BY-SA)

A escritora canadenca Alice Munro, de uitanta y dos anyos, ha estau galardonada con o premio Nobel de Literatura d’iste anyo, seguntes ha anunciau hue o comité d’o Nobel, que la ha qualificada de ‘mayestra d’o relato curto‘. Naixida d’Ontario en 1931, ye conoixida sobre tot por a narrativa curta y ye considerada una d’as escritoras mas destacadas d’a luenga anglesa. Una d’as obras mas reconoixidas de Munro ye ‘Estimada vida’, publicada por Club Editor. Tamién, ‘Odio, amistat, corteixo, aimor, matrimonio’ y ‘Masiada felicidat’.

Munro estudió periodismo y anglés, pero deixó a universidat quan se casó en 1951. Empecipió a escribir historias quan yera muit chovena, pero no publicó brenca dica 1968, una compilación de relatos titulau ‘Dance of the happy shades’. En publicó mas en ‘Lives of girls and women’, en 1971. Entre as suyas obras, destacan ‘Who don you think you are’ (1978), ‘The moons of Jupiter’ (1982), ‘Runaway’ (2004), ‘The View from Castle Rock’ (2006) y ‘Masiada felicidat’ (2009).

‘Munro ye celebre por a suya afinada traza d’explicar historias, que se caracterizan por a claridat y o realismo psicolochico. Qualques criticos la consideran a Txekhov canadenca. As suyas historias se sitúan habitualment en ambients rurals, an que a luita por una existencia socialment acceptable a ormino desemboca en relacions tensas y conflictos morals’, destaca a nota publicada por o churau.

Fuent: http://www.vilaweb.cat/noticia/4148986/20131010/alice-munro-guanya-nobel-literatura-2013.html

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.