‘Alicia en…’, exposición de artistas teruelanos en La Pantera Rossa

Cinco artistas teruelanos dan a suya anvista sobre o clasico d'a literatura

cartelMientres o mes d’abril se puet viyer en a librería La Pantera Rossa (C / San Vicente de Paúl, 28, Zaragoza) a nueva exposición “Alicia en…” un conchunto d’obras reflexo de la “Alicia” de Lewis Carroll vista por cinco artistas teruelanos dende l’anvista d’0 sieglo XXI.

Cada artista s’ha amanau t’o tema, dimpués de releyer a novela de Carroll, levando-la t’a suya demba creyativa. Un convite a soniar con a protagonista, en un mundo extranyo y, como diz o titol d’a obra literaria, maravilloso.

A exposición aculle obras de Remedios Clérigues, Carmen Escriche Balfagón, Luis Loras, Ángeles Pérez y Ernesto Utrillas.

Escrito en 1865, Alicia en o País d’as Maravillas ye un clasico no nomás d’a literatura chovenil, sino d’a literatura en cheneral. Popularizau por as decenas de versions que se’n han feito, o relato que o mosén Charles Dodgson, verdader nombre de Lewis Carrol, escribise t’a nina Alicia Liddell, de diez anyadas, ye un delicioso tarabidau de situacions verosimils y absurdas, metamorfosis insolitas de ses y ambients, chuegos con o luengache y a lochica y asociacions oniricas que fan d’ell un libro inixublidable.

Antimás La Pantera Rossa, presentó en a galería-escaparate “o uello d’a Pantera”, a suya nueva propuesta disenyada en ista ocasión por l’artista plastico Jose Luis Gamboa Urgeles que se podrá viyer mientres tot lo mes.

 

Fuent: http://arainfo.org/2013/04/alicia-en-exposicion-de-artistas-turolenses-en-la-pantera-rossa/

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.