ALSA en asturianu

A companyia de transportes ALSA ha prencipiau a fer servir en a suya web a toponimia bilingüe castellán/asturianu.

Logotipo d'a interpresa d'autobuses ALSA con o slogan en catalán.

Seguntes afirma o diario dichital en asturianu Lesnoticies.com, a interpresa de transportes ALSA, que en Aragón ye encargada d’a linia Barcelona-Zaragoza-Madrit, prencipió a fer servir en a suya web a toponimia asturiana tradicional, y agora oficial, dimpués d’as queixas y a colaboración de miembros d’a Iniciativa pol Asturianu. Ista asociación, que se presentó publicament o sabado 17 d’aviento en Ovieu, felicitó con una carta a la interpresa de transportes por os enanes en l’emplego d’a toponimia asturiana, “con el paso important que suposa a nivel asturiano y estatal”.

 

Seguntes indicón dende l’asoción, ista interpresa, que tien o suyo orichen en Asturias y que mantien lazos bien importants con ixa tierra, veniba incumplindo a lei no fendo servir a toponimia oficial asturiana, a más de no ufrir a os asturfablants a posibilidat de consultar la suya pachina web en asturiano, “pero agora ixa situación ye prencipiando a cambiar gracias a la colaboración entre todas dos entidatz”.

 

D’atra man, a organización quiere qu’ista interpresa de un paso más y anuncian que van a trobar-se con un risponsable d’a colla ALSA ta trasmitir-le-ie una serie de midas que favorixerban la normalización de l’asturiano en as suyas rilacións con os usuarios.

 

Ta rematar, cal decir que a pachina web d’a interpresa se puet consultar a más de en castellán, anglés, alemán y francés, en catalán, galego y euskera.

Fuent: http://www.lesnoticies.com/lesnoticies/noticies/alsa-empieza-usar-web-toponimia-billing%C3%BCe/8977

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.