Amaiur levará t’o Tribunal Constitucional a decisión de deixar-los sin colla parlamentaria

O gubierno vasco lo considera una 'pifia politica d'o PP'

Logo de AmaiurA coalición independentista vasca Amaiur ha anunciau que levará t’o Tribunal Constitucional a decisión en firme de hue d’a mesa d’o congreso espanyol de deixar-la sin colla parlamentaria. A mesa d’ista institución lo ha decidiu asinas por segunda vegada, refusando o recurso que heba presentau a coalición. Igual como en a primer votación, os cinco representants d’o PP han votau en contra d’a creyación d’una colla propia d’Amaiur, y os tres d’o PSOE y o de CiU s’han absteniu. A chustificación d’a mesa ye a mesma: no se cumplen totz os requisitos d’o reglamento.

A mesa s’ha remitiu a las parolas d’o president, Jesús Posada, que dició que os servicios churidicos heban indicau que no se cumpliban de tot os requisitos reglamentarios por no haber plegau en o 15 % de votos en una d’as quatre circunscripcions a on que se presentoron. En Navarra, Amaiur se quedó con un 14,86%. Manimenos, a mesa autorizó a constitución d’a colla de UPyD, que ha incorporau ‘temporalment’ o diputau d’o Foro d’Asturies (FAC) ta plegar en o 5% d’o voto estatal que reclama o reglamento.

D’atra man, o gubierno vasco ha calificau de ‘pifia politica d’o PP’ ista decisions. Fa bells diyas, o mesmo lendakari ya heba dito que yera ‘una decisión torpe’ y una agresión a los resultaus d’o 20 de noviembre en o País Vasco. Dició, tamién que a cucha aberzale en sacaría treslada electoral y que ixo no aduyaba a resolver a situación.

 

Fuent: http://www.vilaweb.cat/noticia/3962719/20111219/amaiur-portara-tribunal-constitucional-decisio-deixar-lo-sense-grup.html

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.