Amaneixen en Zaragoza pintadas neonazis contra o día de l’argüello LGTBQI

Hue, día de l'argüello LGTBQI, con celebración d'una manifestación reclamando os dreitos d'istas personas, han apareixiu pintadas neonazis en o recorriu d'a mesma

pintadas-nazis-contra-LGTBQI-300x225

Foto: R. S. M. (AraInfo)

A Coordinadera Antifaixista de Zaragoza ha denunciau l’aparición de pintadas homofobas mientres o recorriu d’a marcha d’o día de l’argüello LGTBQI,  que se celebra hue en Zaragoza. Un ciudadano ha dau l’alerta a o colectivo iste mesmo maitín, tot veyendo dos pintadas en as marquesinas d’a plaza Sant Miguel, puesto d’an que parte a manifestación, a on se leyeba “cerdas bolleras” y “fuera maricones”, y simbolochía nazi en ellas. Entre o maitín, a Coordinadera Antifaixista ha comprebau que os servicios de limpieza han sacau pintadas d’o mesmo tono mientres o Paseu Independencia, “pero encara en queda beluna, asinas que dica o luns van a estar astí sin que sigan borradas y a la vista de totz y todas”.

Dende a Coordinadera denuncian que “se tracta d’un ataque ent’os dreitos d’as personas por a suya condición sexual, con una premeditación clara y con especial alevosía. Hue nos manifestamos totz por a libertat sexual, y vienen ells a faltar-nos. A semana pasada acusaban a os antifaixistas de terroristas en una manifestación legalizada por o centro de Zaragoza. Quí ye o que quiere implantar a terror en a sociedat?”

Dimpués d’una manifestación o viernes pasau, a on trenta neonazis marchoron por Zaragoza con banderas faixistas, “ya son dos actos de visibilidat faixista en una sola semana, y isto creixe cada día mas. No podemos permitir-lo y a respuesta d’a sociedat ha d’estar clara y contundent. No los queremos y no imos a consentir que prengan as carreras d’a nuestra ciudat”.

Fuent: http://arainfo.org/2013/06/aparecen-en-zaragoza-pintadas-neonazis-contra-el-dia-del-orgullo-lgtbqi/

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.