Amazonía, chilo d’auxilio

En o corazón d'Ecuador, una mega interpresa quiere perforar a chungla amazónica mas virchen ta convertir-la en un pozo de petróleo. O pueblo Kichwa de Sani Isla, que ye resistindo con todas as suyas fuerzas, demanda aduya ta salvar o suyo fogar y o suyo hábitat.

Foto: avaaz.org

Foto: avaaz.org

Os Kichwa habitan en un territorio an que os chaguars viven librement y una sola hectaria tiene mas biodiversidat que tot Norte América. Por ixo, fa anyos, a comunidat sinyó un alcuerdo declarando que nunca no vendería as suyas tierras. Pero agora, o gubierno d’Ecuador ye tractando de comprar-los y de vender-le quatro millons d’hectarias de l’Amazonía a las petroleras. O president Rafael Correa ye en plena campanya electoral y debe aclarir a suya posición sobre o meyo ambient y os dreitos d’os lugars indichenas. Por iste motivo, se quiere aconseguir chenerar un escandalo global y convertir a protección de l’Amazonía en un tema electoral, frenando asinas a suya sete de petróleo.

Dimpués de que Texaco y atras petroleras contaminasen l’augua d’Ecuador y devastaran irreversiblement os suyos valurosismos ecosistemas, Correa aconsiguió que o suyo país estase o primer en reconoixer os dreitos d’a Mai Tierra en a suya Constitución, anunciando que Ecuador no yera en venda. Amás, enchegó una innovadora iniciativa ta que atros países compensasen a Ecuador por no esclatar o petróleo d’o Parque Nacional Yasuní, protechendo asinas a suya increyible riqueza natural en cuenta de destruir-la. Pero agora Correa ye a punto de meter-lo en venda.

Sorprende que parte d’as tierras d’os Kichwa sían dentro d’o Parque Nacional Yasuní, pero o plan de Correa ye encara mas chocant. En pocos días, funcionarios publicos encetarán una chira mundial ta ofrir a inversors extranchers os dreitos d’explotación petrolera en quatro millons d’hectarias a o sud de l’Amazonía (un aria mas gran que no Holanda). Ecuador, como qualsiquier atro país, puede argumentar que tiene dreito a beneficiar-se d’os suyos recursos naturals, pero no puede obviar os dreitos constitucionals d’os pueblos indichenas y d’as suyas preciadas selvas.

Ta fer a Correa complir con as suyas promesas meyoambientals y aconseguir que a Constitución d’a Pacha Mama cobre valura se son recullindo sinyaturas dende a plataforma Avaaz.org

Fuent: http://www.avaaz.org/es/oil_in_the_amazon_global/?bpgMndb&v=21337

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.