Amigos d’a Tierra d’Aragón reclama a la DChA un plan de recuperación d’o nurión europeu

O nurión europeu ye en grieu menaza d'extinción y en Aragón se troba en as riberas de ríos amán de Nabarra

visón-europeoO nurión europeu (Mustela lutreola) ye o segundo mamifero mas menazau d’Europa. Se troba localizau en l’alto Ebro (Alaba, Burgos, Bizcaya, Nabarra y Soria), pero tamién en bellas comarcas aragonesas. En Aragón se distribuye en uns 100km linials de riberas d’os nuestros ríos, en zonas cercanas a Nabarra, seguntes datos proporcionaus por o Ministerio d’Agricultura, Alimentación y Medio Ambient a la organización ecolochista Amigos d’a Tierra d’Aragón.

“Ye una especie que a causa d’o grieu deterioro que han sufriu as riberas d’os ríos, a introducción en o suyo territorio d’o nurión americano que compite por o mesmo territorio, y que transmite o parvovirus d’a malotía aleutiana d’o nurión ye provocando a desaparición d’a población d’o nurión autoctono. Ista zaguera malotía ye mortal pa lo nurión europeu” advierte Amigos d’a Tierra.

En o momento actual en Aragón existen os plans d’acción de fauna menazada d’o cangreixo de río, ciquilín primilla, margaritona, esparvero perdiguero y d’o cluixiuesos. Pa Amigos d’a Tierra “elaborar-ne, aprebar-ne y empecipiar-ne uno mas, realment muit necesario, no debe estar un gran problema pa la DChA”.

“A causa d’a critica situación d’o nurión europeu a nivel mundial, cal a DChA realice y empecipie un plan de recuperación d’ista especie. A situación ye de tot critica y a DChA debe centrar esfuerzos en aconsiguir a recuperación d’o nurión europeu en Aragón. Asinas mesmo se debe treballar encara mas pa sacar a presencia de nurión americano en Teruel y en o Xiloca” asegura a organización ecolochista.

Amigos d’a Tierra d’Aragón amás de pedir a eliminación d’o nurión americano, prencipal fuent de problemas d’o nurión europeu, solicita que s’investigue pa una vacuna frent a la malotía aleutiana d’o nurión europeu y se treballe en a recuperación decamín d’os ecosistemas de ribera an que se troba present, asinas como atros cercanos. “Tot ixo de forma prioritaria. Asperamos que o Departamento de Medio Ambient d’a DChA sía sensible a las nuestras demandas” concluyen.

Fuent: http://arainfo.org/2013/08/amigos-de-la-tierra-de-aragon-reclama-a-la-dga-un-plan-de-recuperacion-del-vison-europeo/

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.