Amnistía Internacional protesta por as detencions aleatorias d’inmigrants

Se presenta un informe denunciando practicas policials racistas

Logo de AIAmnistía Internacional ha presentau l’informe “Aturar o racismo, no a las personas. Perfils racials y control d’a inmigración en Espanya”. En ell, a organización creye que “as autoridatz espanyolas han de rematar con a practica d’a policia de trigar a personas ta comprebar a suya identidar basando-se en as suyas caracteristicas etnicas u racials”.

Seguntes ista y atras organizacions han documentau, a policia atura asoben a inmigrants, sin razons aparents y sin que bi haiga una preocupación por a seguridat. Ista practica ye “ilegal d’alcuerdo con a lechislación espanyola y o dreito internacional”, ha manifestau Izza Leghtas, investigadora de AI. Antimás, ista traza d’actuar “alimenta os prechuicios, porque qui lo viyen pueden creyer que as victimas son participando en actividatz delictivas”.

AI ha demandau a la policía espanyola que proporcione a los suyos achents “formación sobre como fer controls de identidat d’alcuerdo con o principio d’igualdat y sin fer practicas discriminatorias”. A organización tamién informa de que bellas vegadas, qui informa a los detenius sobre os suyos dreitos son obcheto de intimidación u pinyoras.

Cuanto a los cupos semanals u mensuals de detención de migrants en situación ilegal que bi ha en bellas comisarioas, más que más de Madrid, AI recomienda a lo gubierno espanyol que prenga midas ta guaranciar que no se faigan y que se documenten todas as ocasions que s’ature a bella persona.

Fuent: http://www.es.amnesty.org/noticias/noticias/articulo/las-autoridades-toleran-la-discriminacion-racial/

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.