Ander Izaguirre presenta o libro “Plomo en los bolsillos” en Zaragoza

Una ruta ciclista dica Alfoceya, a etapa d'o Giro d'Italia y a propia presentación d'o libro amenizarán o sabado 25. O libro tracta sobre historias y anecdotas arredol d'o Tour de Francia

plomoO venient 25 de mayo será una chornada especial t’as y t’os ciclistas. Se presentará en Zaragoza o libro “Plomo en los bolsillos. Malandanzas, fanfarronadas, traiciones, aleg­rías, hazañas y sorpresas del Tour de Francia” (Libros del K.O.) d’Ander Izaguirre. O periodista vasco ferá un “tour” de presentación  que atura dende o 22 de mayo en Barcelona ta desmbarcar en Zaragoza o viernes 24.

O viernes se ferá una presentación d’atros dos libros, “El siglo del pensamiento mágico” d’Ignacio Martínez de Pisón, y “Mi abuela y diez más” d’o propio Ander Izaguirre. Dos libros d’a colección Hooligans Ilustrados que se presentarán en a librería “Los Portadores de Sueños” de Zaragoza (C/ Jerónimo Blancas 4).

O sabado viene o plato fuerte con una chornada-presentación especial. Se celebrará una ruta ciclista dende Zaragoza, pasando por Garrapiniellos, Monzalbarba y Alfoceya ta tornar atra vegada ta Zaragoza, unos 45 km. asfaltaus que prencipiarán ta toda persona que quiera a las 10:30 h. en “La Ciclería Social Club” (C/ Gavín 6). En plegar en o mesmo puesto, se chentará aprofitando un tapeu de países d’o mundo que se celebra en bells bars d’o vico d’a Madalena (A Flama, La Otra, Barrio Sur y La Birosta).

A las 15:30 h. en “La Ciclería Social Club” se retransmitirá a etapa dolomitica d’o Giro d’Italia, y a las 18 h. se ferá a presentación d’o libro “Plomo en los bolsillos” por o citau autor en o mesmo puesto.

O libro tracta con carinyo y detall as historias tanto trachicas como divertidas arredol d’o Tour de Francia. “Ta l’autor, a machia d’o ciclismo naixe siempre d’ixe misterio que existe dillá d’a muga d’o sufrimiento, y o sufrimiento que imposa o Tour ye de plomo, como en ye a rasmia d’os ciclistas. En ixe equilibrio se mueven os deciséis episodios d’iste libro en o que se descubre a cara B d’o Tour de Francia. Anecdotas que destacan a epica y o sufrimiento d’o ciclismo pero tamién a chenerosidat y chentileza que se desprenden d’iste esporte”.

Una rispuesta a Ander Izaguirre presenta o libro “Plomo en los bolsillos” en Zaragoza

  1. Pingback: Ander Izagirre presenta o libro “Plomo en los bolsillos” en Zaragoza | AraInfo | Achencia de Noticias d´Aragón

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.