Andorra aculle unas chornadas sobre ecolochismo

Se ferán os dos primers cabos de semana de febrero

3 febrero, 2012 | Andorra-Sierra d'Arcos, Meyo Ambient | Autor: Arredol | Tweet

L’Asambleya Libertaria d’Andorra celebra a cinquena edición d’as suyas Chornadas por l’ecolochismo. Se celebrarán en l’edificio Itaca os dos primers cabos de semana d’iste mes.

As chornadas prencipiarán o viernes 3 con una charrada sobre a depuradora biolochica de Fabara. A l’atro diya se ferá una gambadeta guidada ta reconoixer plantas medicinals d’a redolada y de tardis bi habrá dos charradas, una sobre o Tren de Gran Velocidat y una atra sobre comercio responsable y agroecolochía.

O segundo cabo de semana continarán as chornadas con dos charradas sobre o patrimonio natural andorrano y a linia d’Alta Tensión de Mezquita d’Exarc – Morella. O sabado, una charrada sobre decreiximiento y un taller de cosmeticos naturals zarrarán as chornadas. Os dos sabados,5 y 13 bi habrá chenta populars con productos veganos, ecolochicos y de temporada.