Andorra remera a cultura ibera en a feria Lakuerter

Andorra remera o pasau ibero d'a redolada con una feria y chornadas culturals

cartel_feriaD’o 9 t’o 11 de noviembre, Andorra remera o pasau ibero d’a redolada con a quartena edición d’a feria ibera deLakuerter, que se va convertindo en un referent en o calendario cultural baixoaragonés. Mientres o cabo de semana bi habrá chuegos, mercau, tallers, teayatro y actos de toda mena.

Entre as novedatz i ye una nueva representación teyatral. O sabado a las 18:00 se ferá “A nueit d’Astarté” y a las 23:00 “L’Oraculo d’os saputos”. Antis d’a representación de nueitz se ferá a cena d’os clans y dimpués bi habrá verbena. Tamién i plega un nuevo clan que s’adhibe a los seis que ya existen, clamau “o clan d’o chabalín” y que conta con 200 miembros. En total, ya pasan de mil os figurants que dondiarán por as carreras andorranas mientres o cabo de semana.

Semana d’a cultura ibera

Con l’obchetivo d’enamplar a rigor historica d’a feria y de estendillar o conoiximiento d’o pasau ibero, mientres toda la semana ye habendo-ie visitas guidadas y didacticas a o chacimiento y parque arqueolochico de O Cabo de Andorra. A exposición itinerant ‘A cultura iberica en o Baixo Aragón se puet viyer en l’IES Pablo Serrano de 9:00 a 21:00.

Menos puestos

En ista edición s’ha decidiu, de man de l’Asociación Interpresarial d’Andorra – Sarra d’Arcos y Baixo Martín (AEA) y l’Asociación Agroalimentaria ADIBAMA, baixar os gastos totals d’a feria y amugar o numero de expositors a nomás 60 ta que l’esquilmen se reparta millor entre qui bi sigan. Tamién s’ha baixau o loguero que han de pagar os puestos d’o mercau.

 

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.