Ángel Acebes se posa en a cadiera de l’Audiencia Nacional por o ‘Caso Bankia’

L'exministro de l'Interior pasa por l'Audiencia Nacional por a suya relación con a matriz de Bankia. Acebes formaba parte d'o Consello d'Administración d'o Banco Financiero y d'Estalbios (BFA) quan se producioron os feitos que s'investigan

L’exministro d’o Gubierno d’Aznar, Ángel Acebes, pasa por l’Audiencia Nacional iste viernes chunto a Francisco Pons, expresident de l’Asociación Valenciana d’Interpresarios, ta declarar por o caso Bankia, en o qual s’investigan o suyo proceso de fusión y salida a Bolsa.

Ángel Acebes formaba parte d’o Consello d’Administración d’o Banco Financiero y d’Estalbios (BFA) quan se producioron os feitos que investiga o titular d’o Chudgau Central d’Instrucción numero 4, Fernando Andreu. Dica agora ya han amprau declaración 16 exvocals en una larga lista de comparecencias que finalizará o venient 20 d’aviento con Rodrigo Rato, expresidente d’a entidat.

L’exministro Acebes presidiba a Comisión d’Auditoría d’a entidat en o momento en que l’auditora Deloitte tresladó a existencia d’una serie de “qüestions pendients” quan s’apreboron as primeras cuentas de 2011, que arrojaron esquimens de 305 millons d’euros. Poco mas tarde, en mayo, en a reformulación d’as cuentas, os resultaus estioron diametralment opuestos y se destapó un forau de 2.979 millons d’euros.

O colectivo 15MpaRato y UPyD son os dos prencipals empentadors d’iste proceso
, ya que presentoron una querella por a suposada existencia d’irregularidatz en as cuentas dende o pasau mes de marzo, o que ocasionó que o 9 de mayo Rodrigo Rato albandonase a presidencia de Bankia. Asinas mesmo, a os 33 exconsellers bi imputaus, asinas como a BFA y a propia Bankia, se les atribuyen os delitos de falsificación de cuentas, administración desleyal, maquinación ta alterar o pre d’as cosas y apropiación indebida.

Fuent: http://www.aragon2.com/n-20463-502-Angel_Acebes_sienta_banquillo_Audiencia_Nacional_Caso_Bankia

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.