Ángela Labordeta charra en a presentación d’a coalición Primavera Europea en Madrit

A candidata de CHA ocupa o tercer puesto d'a lista electoral

Presentación de Primavera Europea (Foto: Arainfo)

Presentación de Primavera Europea (Foto: Arainfo)

Iste martes se presentó en o Círculo de Bellas Artes de Madrit, a coalición que encapeza, Jordi Sebastià (Compromís), chunto a Florent Marcellesi (Equo) y Ángela Labordeta (CHA) y que ye formada tamién por miembros de Por un Mundo Más Justo, Participa, Partido Castellano, Socialistas Independientes de Extremadura, Coalición Caballas (Ceuta) y Socialistas por Tenerife.

Ángela Labordeta, candidata numer uno por CHA y tercer en a coalición, destacó que cal “una Europa que cal reconquerir ta reendrezar-las ent’a libertat y o bienestar d’as personas” y remera que “con a presencia en ista coalición, Aragón guarencia tener una voz propia en Europa ta esfender-ie os suyos intreses.

Jordi Sebastiá, capeza de lista, proposa “treballar por as personas, por a dignidat d’os habitants d’os paises miembros d’a unión y dar-les a parola y a participación”.

“Dende a coalición se ha empentau a ideya de que ista coalición será la primavera, ixa primavera que tanto les cal a las personas que creyen que atra Europa ye posible y menister”, apunta.

Os chovens, o treballo, o meyo ambient, os dreitos socials, a renta minima guarenciada, dotas a lo Parlamento Europeu de más poder y más participación d’os ciudadans, son beluns d’os temas que centrarán a campanya electoral.

 

Fuent: http://arainfo.org/2014/04/angela-labordeta-interviene-en-la-presentacion-de-la-coalicion-primavera-europea-en-madrid/

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.