Anonymous enriste a web d’a CIA y d’o gubierno d’Alabama

O movimiento ha aumentau as enrestidas hackers dende o zarre de Megaupload.

"CIA TANGO DOWN" Mensache en o Twitter d'Anonymous. (Foto: Arredol)

Seguntes publica o diario catalán Vilaweb, o movimiento Anonymous ha confirmau hue a enrestida a la web de l’achencia de espionache norteamericana CIA y d’o gubierno d’o estau d’Alabama. En o perfil de Twitter d’Anonymous ha amaneixiu o mensache “CIA Tango Down”, una expresión que fa servir a ormino o movimiento en as suyas enrestidas y que fa referencia a la expresión d’as fuerzas especials norteamericanas quan eliminan a os suyos enemigos.

Dimpués d’as primeras informacións, a vocera d’a CIA, Jennifer Youngblood, ha saliu d’o paso y ha dito que investigaban a posible enrestida hacker d’a web. Pasadas unas quantas horas, a web d’a CIA ha tornau a funcionar.

Seguntes a CNN, Anonymous tamién ha hackeau a web d’a Camera Minera de Mexico y a d’a Secretaría d’Enerchía mexicana. En unatro mensache de Twitter, Anonymous ha escrito “Ola, Camera de Miners Mexicanos. Queretz veyer os vuestros correus electronicos exposaus”.

Dende o zarre de Megaupload, Anonymous ha intensificau as aicións y as enrestidas a webs. Fació cayer as webs d’o FBI, d’o Departamento de Chusticia d’os EE.UU. y decenas mas ya fa semanas, mientras a enrestida hacker mas important. Poco dimpués, publicó a discografía entera de Sony y declaró a guerra a traviés d’un video a las grans companyías d’a industria discografica que emparan a o prochecto de lei CENA.

Fuent: http://www.vilaweb.cat/noticia/3983130/20120211/anonymous-ataca-web-cia-govern-dalabama.html

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.